Duc à venciù

Nia truepes partides di jëuni ne fòvel ntan l’ultima ena dl ann, ma les ie jites ora dutes bën per i jëuni dl HC Gherdëina.

La Under 12 ie ai 29 de dezëmber furneda a Latsch a fé pea pra n turnoi. I mutons ova da jughé trëi partides. La prima doves ai purtruep perdù per 0:2 y 0:1, la terza ài pona venciù per 3:1, i goi à Leo Moroder, Matthias Perathoner y Erik Kantioler fat. Pra duta la partides à i mutons cumbatù dassënn y ova nce truepa ucajions da gol, ma la à sciacà a i fé. Permò tla terza partida àla butà mpue deplù y ala fin ài arjont n terzo post y giapà na bela copa y zeche de dëuc.

U16 Gherdëina - Pergine 9:6 (3:3, 4:2, 2:1)
Ai 27 de dezëmber à la Under16 jugà n cësa contra l Pergine. Sambën che l ne fova nia da se aspité na partida saurida, davia che tl'andata a Pergine à l Gherdëina perdù plutosc sëch. Ma i mutons dl Gherdëina à jugà bën, fova cunzentrei y à cumbatù y dat dut nchin ala fin. L ie tumà truep goi sibe da una che dal'autra pert y ala fin à l Gherdëina venciù cun merit per 9:6. Bravi mutons! Per l Gherdëina àl fat i goi Kevin Schmalzl (3), Tobias Moroder (2), Marc Frisch, Hannes Franzelin, Markus Mair y Nicolas Demetz.

U19 Gherdëina - Alleghe 7:5 (1:1, 2:1, 4:3)
Ai 28 de dezëmber à la scuadra dla Under 19 jugà n cësa contra l Alleghe. Nce sce l Gherdëina fova miëur che l averser se ài fat ert a vëncer. I fajova massa fai se giapan goi che ne messova nia vester y dal'autra pert ài falà truepa ucajions dan cassa dl Alleghe. Ala fin ài mpo venciù per 7:5. Per l Gherdëina àl fat doi goi prun Diego Glück, Florian Moroder y Andreas Vinatzer, un n gol fova de Damian Bergmeister.

U19 Gherdëina - Kaltern 7:1 (1;1, 5:0, 1:0)
Doi dis do, ai 30 de dezëmber à pona la Under 19 inò jugà n cësa, chëst iede contra l Kaltern. Do che tl prim tëmp se l'ài mpue durmida via, ài pona tëut la partida tla man y à venciù saurì per 7:1 contra na scuadra da mé uncesc jugadëures che fova ngali sambën nce bëndebò stanc. Per l Gherdëina àl fat i goi: Diego Glück (4), Damian Bergmeister (2) y Patrick Nocker.

La proscima partides di jëuni n cësa:
N sada ai 7.1. dala 11.15 iel n turnoi dla U12, n dumënia ai 8.1. dala 9.00 iel n turnoi dla U8 y dala 12.30 na partida dla U14 contra l Bulsan Junior.