Turnoies per la scuadres di mëndri

Davia che l fova ora per l’Europa de plu turnoies dla scuadres naziuneles U15, U16, U18 y U20, ulache l à nce fat pea n valgun jugadëures dl HC Gherdëina, fòvel l ultim fin dl’ena mé trëi partides o turnoies

Under 10
N dumënia ie la scuadra dla Under 10 furneda a Bulsan tla Sill a fé n turnoi cun la scuadres dl Bulsan Academy blue, l Bulsan Academy white, l Bulsan Junior y l Renon. Coche bele pra l ultim turnoi ài nce chëst iede fat cater partides y n "parcour". Una na partida ài venciù y trëi n ài perdù. De ndut à i mutons dl Gherdëina fat 5 goi: Matteo Senoner, Aaron Oberbacher, Leo Moroder, Jonas Kostner y Kimo Prinoth.

Under 12
Ajache l ie unì mudà l regulamënt dla Under 12, vëniel śën daniëura jugà doi iedesc 15 menuc contra uni scuadra y uni tëmp vel sciche una na partida. Pra uni turnoi iel perchël da fé cater partides. I mutons dl Gherdëina à jugà scialdi bën y cun gran ueia. Nsci ie nce finalmënter, cun gran legrëza per i jugadëures, ruveda la prima vënta da chëst ann. Bravi a duc!! Tlo i resultac dla partides:
Renon - Gherdëina 1:1; Gherdëina - Renon 1:4; Toblach - Gherdëina 2:1; Gherdëina - Toblach 1:0.
I goi per l Gherdëina ie unic fac da Tommy Delucca (2), Ben Linder y Matthias Perathoner.

U14 Gherdëina - Toblach 9:2 (2:2, 3:0, 4:0)
La scuadra dla Under 14 cun si trainadëur Kevin Senoner à jugà n la ultima sada n cësa contra l Toblach. I mutons à jugà scialdi bën. L Gherdëina à scialdi drucà y i jugova belau for tla pert di averseres ntan che l Toblach se à fat scialdi ert a ruvé n iede daujin ala cassa dl Gherdëina. Nsci à i mutons dla U14 venciù saurì per 9:2. Per l Gherdëina àl fat i goi Markus Mair (3), Phillipp Demetz (2), Julian Senoner, Nicolas Paratoni, Gabriel Stenico y Leo Messner.

Partides di jëuni n cësa:
Duman sada ai 14.11. dala 17.30 jugherà la U18 contra l Torino. N dumënia ai 15.11. dala 10.00 fajerà la U12 si turnoi, dala 14.00 jugherà la U16 contra l Auer y dala 17.00 la U20 contra l Sterzing.