Bela vënta per la Under 14

La partida dla Under 18 che dassova unì fata n sada dan otodì, ie unida spënta davia che l Chiavenna ova massa puec jugadëures.

U14 Pustertal - Gherdëina 0:3 (2:0, 0:0, 1:0)
Na bela vënta per la scuadra dla Under 14 n lunesc ai 2 de nuvëmber te Puster. I mutons à jugà scialdi bën dal prim nchin al ultim menut y l verdiaporta à pià dut. Vëncer oradecà ie for bel y te Puster mo deplù savan che iló ài for de bona scuadres. Bravi a duc i mutons! I trëi goi per l Hockey Club Gherdëina ie uni fai da Markus Mair.

U16 Gherdëina - Kaltern 1:4 (1:1, 0:1, 0:2)
N Unissant à la Under 16 jugà te Sëlva contra la scuadra de Kaltern. Sciot per chësta partida che mpermetova bën. I mutons à cumbatù nchin ala fin y fat n bel juech, l verdiaporta à tenì scialdi bën ma mpo ne ti iela nia jita fata al Gherdëina y i à perdù per 1:4. Per l Gherdëina à Nicolas Demetz fat l gol.

U20 Gherdëina - Asiago 5:10 (2:3, 1:6, 2:1)
La scuadra dla Under 20 à jugà n sada contra i prims te tlassifica dl Asiago. I mutons à tenì pea drët bën per n pez, ma l Asiago ova n doi trëi jugadëures scialdi boni che à fat la defrënza y tl segondo tëmp à i averseres fat bën 6 goi. Tl terzo tëmp ti àla mo butà al Gherdëina a fé n valgun goi, ma l ne fova nia plu mesun pië l Asiago.
Per l Gherdëina àl fat i goi Samuel Moroder (2), Diego Glück, Andreas Vinatzer y Damian Bergmeister.