it  de

News giovanili - Hockey Club Gherdëina

Bën 25 goi à fat i pitli dla U9 pra l ultim turnoi

dal 25/02/2019

Na gran ueia de fé a hockey ą mustrą i plu jėuni dl HC Gherdėina ntan che i majeri se ą trat via na partida che i ėssa tucą da vėncer

Under 9
N sada ai 23 de fauré iel stat a Toblach l penultim turnoi de chėsta sajon. I pitli dl HC Gherdėina ėssa iló messł jughé contra l HC Alta Badia, l WSV Sterzing y l HC Toblach. Danz che l HC Alta Badia ne ą nia pudł fé pea l turnoi y nsci ąn fat ora de fé doi partides contra l Toblach y doves contra l Sterzing. La prima partida fova contra l Sterzing y nosc mutons ie jic sun dlacia cun n druch y na ueia de jughé coche dinrer. Nce i goi ne ą nia mancią y nscila iesi stac boni de vėncer chėsc prim juech per 6:1. La segonda partida fova contra l Toblach y nce tlo ne ti iela nia jita fata ala scuadra aversera de ruvé dan nosta cassa, tan da druch fova nosc pitli n chėl di. Nce chėsta scuadra ą messł ti la zeder y la partida ie fineda cun l beliscimo resultat de 12:2 per l HC Gherdėina. Danterite iel unģ fat n pitl parcour per nosc mutons, ntan che l’autra doi scuadres jugova ntra d’ėiles. Riesc iela pona jita inant cun la terza partida, chėst iede inņ contra l Sterzing. I nosc dajova mo for dassėnn gas y nsci iesi stac boni de vėncer nce chėsta partida cun l bel resultat de 6:1. Davia che nosta scuadra fova la sėula a avėi mé doi linies y un n verdiaporta y se ova tan purvą tla prima trėi partides, udņven che la forzes jiva śėn a piz. L ultimo juech contra l Toblach fova nsci plu valif y n menut dan la fin fova l resultat de 1:1. Ot secunc dan la fin ti iel mo mucią ite la scipa ai nosc y nsci ąi perdł chėst'ultima partida per 2:1. Purempņ muessen dģ che l fova n resultat da stramp bon per nosc pitli campions dla U9. Cumplimėnc!!

U15 Valpellice - Gherdėina 5:4 d.p. (1:0; 1:3; 2:1; 0:0; 1:0)
N dumėnia ai 24 de fauré ie la U15 furneda a Torre Pellice per fé na partida mpurtanta de chėsc campiunat. Do n viac lonch ie i nosc jic sun dlacia cun na gran ueia de vėncer. Do l prim tėmp stajņvela 1:0 per i averseres, tl segondo tėmp 3:1 per l Gherdėina. Scialdi nteressanta iela jita inant tl terzo tėmp, finan via cun l resultat de 4:4. Tl "overtime" ne n’iel pona tumą degun gol y a tré i penalties, che ie la gran pert na roba de fertuna, ti ąla butą ai averseres, nsci che n ą messł ti lascé la vėnta al Valpellice. Ma un n pont, che ie scialdi de mpurtanza, ąi mpomo pudł se tņ a cėsa. Per l Gherdėina ąl fat i goi: Davide Macaluso (3) y Ben Linder.

U17 Maran - Gherdėina 1:9 (0:5; 1:2; 0:2)
N sada ai 23 de fauré ą la U17 jugą contra l Maran. L Gherdėina ą duminą duta la partida y ą vencił saurģ per 9:1. L trainadėur Walter Ploner ą pudł purvé ora cun i mutons n valguna cosses nueva per njiniė ca la scuadra ai play off che sarą śėn tosc. Per l Gherdėina ąl fat i goi: Leo Messner y Nicholas Paratoni (2), Leo Rabanser, Anton Perathoner, Alexander Vigl, Julian Senoner y Tobias Moroder.

U19 Gherdėina - Milano 2:6 (0:2; 1:1; 1:3)
Na partida da desmincė fova chėla dla U19 n dumėnia ai 24 de fauré contra l averser plu dėibl, l Milano, ultim te tlassifica. I mutons ne ą nia dat dut y ne ą nia desmustrą chėl che i savėssa da fé. Sciot per chėsta partida trata via. Per l Gherdėina ąl fat i goi: Nicholas Paratoni y Leo Messner.

Elenco news
Calendario
Fuori casa
In casa
Altri eventi da non perdere
Newsletter
Team serie A - AHL
HOCKEY CLUB GHERDËINA
Str. Nives 17 - 39048 Selva Gardena
Tel: +39 3358342348 - info@hcgherdeina.com
Partita IVA: IT 00665730214 - Iban: IT38P0823858680000302024128
MAIN SPONSOR