Venciù doi partides sun trëi

Doi de bela vëntes per la scuadres di jëuni dl HC Gherdëina, ntan che la terza partida dl’ena àn cialà de nuzé sciche bon alenamënt

U14 Gherdëina - Bulsan Junior 11:2 (3:0, 3:1, 5:1)
Nia scialdi da dì ne n’iel dla partida dla Under 14 n sada dl’ena passeda n cësa contra l Bulsan. Coche n vëija dal resultat à i mutons dl Gherdëina venciù saurì se purvan dassënn y fajan truep goi che ie for zeche de bel per duc chëi che vën a cialé pro. Per l Gherdëina àl fat sies goi Markus Mair, doi goi Tobias Fill y un n gol prun Philip Demetz, Julian Senoner y Tobias Moroder.

U16 Valpellice - Gherdëina 10:1 (4:0, 3:0, 3:1)
N dumënia ai 25 de utober à i mutons dla Under 16 messù furné lonc nchin a Valpellice. N savova danora che la scuadra dl Valpellice à venciù l ann passà l campiunat Under 14 y che i fova scialdi stersc. Davia che duc i mutons dl Gherdëina ova bele jugà l di dant danter U14 y U18, ulache la ti à butà dassënn, fova chësta partida ududa coche n bon alenamënt. Sambën che l trainadëur Marcel à messù se lascé tumé ite zeche per che fé contra de tei granc y nsci ti à l Gherdëina fat la vita mpue erta al averser ti metan uni tant vel' pela danter la giames. Sambën che l arbitradëur se à tosc ntendù y l Gherdëina giapova menuc de straufonga, ma sibe de 4 contra 5 che monce de 3 contra 5 ài tenì tres y ne à nia giapà goi. Duc à jugà bën y à cumbatù y i verdiaporta fova cunzentrei y à suvënz salvà la situazion, scenó ëssen nce pudù pierder plu sëch. Per l Gherdëina à Tim Linder fat l gol.

U18 Gherdëina - Neumarkt 6:2 (2:1, 2:1, 2:0)
Na bela partida do giut inò da pert dla Under 18 n sada ai 24 de utober tl stadio de Sëlva. Do che i se à giapà l prim gol se ài riesc refat. N à inò n iede udù n bel juech de scuadra y i mutons à sapù da jughé segures nce dovia, ne manacian mei de giapé vel’ contrapé. I mutons à venciù saurì chësta partida per 6:2. Per l Gherdëina àl fat i goi Damian Bergmeister (2), Lukas Mair, Andreas Vinatzer, David Pescosta y Juri Runggaldier.

La proscima partides di jëuni n cësa:
Sada ai 31.10. dala 17.00 fej la Under 18 contra l Chiavenna. N Unissant dala 14.00 juega la Under 16 contra l Kaltern y dala 17.00 la Under 20 contra l Asiago.