De
N sada ai 30 de dezëmber iel unì purtà ora n juëch dla Copa Talia per la squadra dl HC Gherdëina dla IHL Seria C. Pra chësta cumpetizion iel leprò la scuadres dla IHL Seria B, che ie na categuria plu auta, y n valguna scuadres dla IHL Serie C. La scuadra dl SV Kaltern à cris ora l Gherdëina. Pra l Kaltern jueghel nce i trëi fredesc Gabriel, Simon y Andreas Vinatzer de Gherdëina. L juech ie unì fat te Sëlva y l fova nce truepa jënt a cialé pro. I mutons de Gherdëina savova che la fossa stata dura, ma à fat n bel juech, cun l verdaporta Leo Kostner che à pià truep y se à giapà "mé" trëi goi. Ala fin stajòvela 0 a 3 per l Kaltern.
N merdi ai 3 de jené iel stat pona l juech a Kaltern. Pra l Gherdëina manciòvel truep jugadëures: n valguni fova pea cun la prima scuadra a Jesenice y n valguni fova amalei. Ma i mutons à fat l miec dainora, se à purvà dassënn, jugà de scuadra y tenì dur dut l juech, Leo Kostner ie inò stat "na bestia" te cassa. Ala fin 6 a 0 per l Kaltern.
L ie stat na bela esperienza a jughé contra la scuadra dl Kaltern, de na categuria plu auta, che ie monce scialdi dancà tla classifica dla Seria B.
N sada ai 7 de jené iel stat n juech dl master round per la squadra dl HC Gherdëina C. L juech ie stat te Sëlva contra l HC Milano Old Boys. I mutons de Gherdëina se à fat do la rata saurì, tenian adum y jugan de scuadra. Ala fin ài venciù 6 a 0, cun i goi de Kevin Schmalzl, Julian Senoner, Tobias Moroder, Mike Windegger, Nicholas Paratoni y Marc Kasslatter.
