Repurton n curt dla partides y di resultac di jëuni

U13 Gherdëina - Toblach 2:3 (1:2, 0:1, 1:0)
Per l Gherdëina àl fat i goi: Matthias Perathoner y Maximilian Moroder.
 
U17 Gherdëina - Valpellice 0:4 (0:2, 0:1, 0:1)
Pur jugan scialdi bën à la scuadra dla U17 perdù la partida de n Juebia Grassa contra na scuadra sterscia coche la "Valpe" per 4:0. Ma coche bele dit à l Gherdëina jugà a pèr cun l averser, trajan plu iedesc sun cassa, ma la ne ulova nia jì ite. A udëi cieche dij l iudesc sportif, davia che la "Valpe" se à prejentà te Sëlva zënza trainadëur. L regulamënt dij te na maniera tlera che pra la partida muessel vester leprò n trainadëur cun na cualifica de prim grado. N rata che l HC Gherdëina messëssa la vëncer „a tavolino“, y l fossa ponc mpurtanc per l HCG.
 
U17 Sesto - Gherdëina 0:10 (0:3, 0:3, 0:4)
La U17 à pona inò jugà n dumënia ai 11 de fauré a Torino contra i ultimi te tlassifica, i Diavoli Sesto. Partida mé de un n viers, ulache duc i mutons à jugà. L ie stat n juech saurì per nosc jugadëures, che à nsci pudù purvé ora mpue’ d'uni sort de sistems. Per l Gherdëina àl fat i goi: Ben Linder (5), Tobias Fill (2), Leo Messner (2) y Giordan Insam.
 
U19 Gherdëina - Eppan 10:2 (1:0, 5:1, 4:1)
N dumënia ai 11 de fauré à la U19 jugà n cësa contra l Eppan. Na partida che ne finova plu, la à durà bën doi ëura y mesa per gauja di truep menuc de straufonga sciblei dai arbitradëures dantaldut contra la scuadra dl Eppan, che à giapà bën 92 menuc de straufonga! A livel de juech fova l Gherdëina plu sterch y à venciù saurì per 10 y 2. Per l Gherdëina àl fat i goi: Diego Glück (3), Andreas Vinatzer (2), David Pescosta, Damian Bergmeister, Kevin Schmalzl, Nicolas Demetz y Bean Schmalzl.