Tramedoi scuadres à perdù sëch

U17 Neumarkt - Gherdëina 12:0 (1:0, 6:0, 5:0)
N sada ai 16 de setëmber à la Under 17 jugà a Neumarkt. Scumencià à la scuadra drët bën fajan nce n gol, ma davia che la scipa ie inò muceda ora de cassa ne n’à l arbitradëur nia dat l gol.
Da dedò iela jita dojù y tl segondo y terzo tëmp ne n’à i mutons nia plu jugà bën, se giapan propi truep goi y perdan ala fin per 0:12.

U19 Alleghe - Gherdëina 7:1 (2:1, 3:0, 2:0)
Nce ala scuadra dla Under 19 ne ti àla nia drë butà. N dumënia ai 17 de setëmber ài jugà a Alleghe, i à tenì pea bën tl prim tëmp, ma pona se ài giapà true massa menuc de straufonga y à perdù plutosc sëch per 1:7. L à jugà pea per l prim iede l jugadëur nuef dla Val de Flëm, Patrick Perini. Pra chësta scuadra arà i trainadëures mo da fé n gran lëur. L gol per l Gherdëina ie unì fat da Bean Schmalzl.

Proscima partides di jëuni n cësa:
La U13 scumencerà si campiunat n sada ai 23.9. tl stadio Pranives dala 14.00 contra la scuadra dl Cortina. La U19 jugherà n dumënia 24.9. dala 17.00 contra l Neumarkt.