Trëi scuadra di jëuni à jugà chëst’ena

L maciova plu jugadëures, ma mpo àn fat de bona partides

Hockey/Jëuni - La Under 12 ie n sada ai 17 de dezëmber jita a Auer a fé pea pra n turnoi contra la scuadres dl HC Maran Junior (2:2 goi de Matthias Perathoner) y dl Juniorteam Auer (6:1 gol de Niklas Piccolruaz).

U14 Gherdëina - Foxes Bulsan 5:2 (1:0, 2:0, 2:2)
La scuadra dla Under 14 à jugà n dumënia ai 18 de dezëmber n cësa contra l Bulsan. I mutons à jugà scialdi bën nce sce i fova mé de puec, davia che n valguni fova amalei y d'autri se ova fat mel. Ma i à cumbatù nchin ala fin y perchël venciù cun merit per 5:2. Per l Gherdëina àl fat i goi: Leo Messner (2), Tommy Delucca, Marc Kasslatter y Ben Linder.

Serie C Gherdëina - Pieve 2:4 (0:1, 0:1, 2:2)
Sciot per chësta partida de n vënderdi ai 16 de dezëmber. I mutons dl Gherdëina, de chëi fòvel dantaldut i jëuni che à jugà davia che n valgun majeri fova demez ai mundiei cun la naziunela, à dat dut nchin ala fin. Purtruep ne n’àla mpo no butà a tré decà chësta partida, ma i trainadëures fova scialdi cuntënc cun la prestazion di mutons. Per l Gherdëina àl fat i goi Damian Bergmeister y Marc Frisch.

FOTO: Damian Bergmeister à fat n gol tla partida contra l Pieve.